Arrangement

Konsert: Gjermund Gjerdesmett og andre føykne fuglar

Søndag 8. mars kl 12.30 – 13.15 (konserten er inkludert i inngangsbilletten)
“Gjermund Gjerdesmett og andre føykne fuglar” er nykomponert musikk for barn med nynorske tekstar frå boka med same tittel, forfatta av Lisbeth Dreyer (2023). Dikta i Dreyer si bok er alle på rim, og fortel på artig og fagleg korrekt vis om ulike karakterar i dennorske fuglefaunaen.

Kråkebollane
Bandet Kråkebollane har igjen laga ny musikk for barn med nynorske tekstar - denne gongen henta frå den illustrerte diktboka Gjermund Gjerdesmett og andre Føykne fuglar. Det er Lisbeth Dreyer sine dikt og Per-Ragnar Nøkleby sine illustrasjonar som har gitt inspirasjon til musikken.
Dikta i Dreyer sine bøker er alle på rim, og fortel på artig og fagleg korrekt vis om ulike karakterar i den norske fuglefaunaen.
Tekstane har invitert til musikalsk fabulering som har resultert i rytmiske og groovebaserte låtar, der alt frå Hip Hop og blues til musikk inspirert av musikalar og folkemusikk er representert. Musikken kan seiast å ha rot i jazz-sjangeren og inspirert av barns livsverd der både improvisasjon og handverk, leik og undring er gjennomgåande element.
Musikken er komponert, arrangert og blir framført av musikarane: Lena Skjerdal (vokal), Erik Håkon Halvorsen (tangentinstrument) og Knut Lothe (perkusjon)