Arrangement

Teater i Nygårdsparken: Det suser i sivet

Møt den forsiktige Moldvarp, den sjølvsikre Rotta, gamle Herr Grevling og den heilsprø småkongen Padda. Opplev ein dag som skulle starte så flott og roleg, men som fort vert farga av Paddas fart, sprell og heilsprø påfunn!
Vi inviterar inn i universet til “Det suser i sivet”, den britiske barnebok klassikaren av Kenneth Grahame, og byr på ei morosam og koseleg utandørs teateroppleving for store og små.​​​

Passar frå 3-8 år
Varigheit: ca. 1 time
Oppmøte: ved kaféen i øvre del av Nygårdsparken.
Framsyning i Nygårdsparken våren 2026:

onsdag 14.05 kl.12:00 og 14:00
Fredag 15.05 kl. 12:00 og 14.00
Lørdag 16.05 kl. 12:00 og 14:00
Alt foregår utandørs, så hugs å kle deg og dine etter véret.

Støtta av: Westfal Larsens Allmennyttige Fond, Bergen kommune, Sparebanken Norge, BOB-gaven & Obos gir tilbake.

Restriksjonar
Vi har eit ungt publikum med ulike tilnærmingar til dyr, vi ynskjer difor at du ikkje tek med hund.

Ansvarsfråskriving
All deltaking på våre arrangement skjer på eige ansvar.
Kjøpte billettar refunderast ikkje - med mindre arrangør avlyser arrangementet.

Kunstnerisk team:
Løst basert på boka av: Kenneth Grahame
Dramatisert av: Skodespelarane, Tora Troe, Adele Lærum Duus og Lina Taule Fjørtoft
Regissør: Adele Lærum Duus
Scenografi og kostymedesign: Tora Troe
Skodespelarar: Stine R. SvellingenKristian Garmanslund, Kristine Alida Netteland, Thomas B. Brandt
Produsent: Stine R. Svellingen
Musikalsk ansvarleg: Elise Nonseid
Musikalsk medhjelper: Kaja Linder Henriksen
Kostymeassistent: Signe Duus, Kari Anne Rasmussen
Rekvisitør: Thomas B. Brandt

OM EVENTYR I PARKEN
Eventyr i Parken er eit vestlandsbasert teaterkompani som skaper unike, utandørs kulturopplevingar for barn og unge. Vi produserer og turnerer eigne framsyningar, og tek også eventoppdrag. Eventyra våre kan dukke opp overalt – på skular, i barnehagar, på festivalar, gatemarknader, i skogen, i smau – og på stader vi endå ikkje har oppdaga.

Vi vil at alle skal få oppleve teaterglede. Difor er vi eit oppsøkande teater, og vi legg vekt på at framsyningane våre skal vere rimelege å delta på. Dette får vi til takka vere støtte og gode samarbeidspartnarar – tusen takk til alle som gjer det mogleg å halde eventyret levande!

Kompaniet vart etablert i 2018 av Cosmina Alexandra Giurgiucanu, Lina Taule Fjørtoft, Magdalena Kuna og Thomas B. Brandt. I dag blir det leia av Lina Taule Fjørtoft, Stine Revheim Svellingen og Thomas B. Brandt, saman med eit nettverk av dyktige lokale kulturaktørar som brenn for å skape opplevingar av høg kvalitet i møtet mellom kultur og natur.

Billetter Fra kr 100. Betal det du kan. Gratis under 2 år. Mer info og billetter her