Arrangement

God dag, herr jul

Malin har nettopp flytta til Bergen, og mora og faren har nyleg gått fra kvarandre. Vil jula kunne bli slik ho ein gong var?

Midt i ei forvirrande tid, med flyttekassar overalt og gåver som ikkje har blitt kjøpt, dukkar det opp det eine mysteriet etter det andre: Kvifor blinkar gatelykta? Kvifor blir nabohuset kalla for «Heksehuset»? Kvifor får Malin beskjed om at ho må spionere på naboen? Og ikkje minst; kvifor har naboen hundre juletre i stua?

«God dag, herr Jul» er full av fart og morosame karakterar, og inneheld fleire spanande mysterier.

Forteljinga er på samme tid både ei moderne- og nostalgisk juleforteljing. Forfattar Laura Djupvik borar i spørsmålet: Kva skjer med jula når vi fjernar alt det åndelege og religiøse? Ja, kva handlar jula eigentleg om?

God dag, herr Jul er ei varm og nær familieframsyning, som passar for barn frå 5 år.

Av: Laura Djupvik
Regi: Jon Tombre
Dramatisering: Thomas Bye

Scenografi og kostymedesign: Even Børsum
Lysdesign: Silje Grimstad
Dramaturg: Aslak Moe
Skodespelarar: Reidun Melvær Berge, Kasper Skovli Botnen, Torbjørn Eriksen, Johanne Fossheim og Piero Issa

Rettar: Samlaget

Foto: Andrea Roksvåg.