
Skogprinsessa
Bli med inn i skogsriket og opplev eit spanande vandreteater for heile familien! Sidan eldgamle tider har skogsalvane passa på skogen vår og dei som bur i den. Dei passar på at jorda er frisk, lufta rein og at dyr og insekt gjer det dei skal. Men rykter og vonde tankar spreier seg i skogen, og plutseleg er det vanskeleg å vite kven som snakkar sant. Kor kjem desse mørke tankane ifrå? Skogen treng hjelp frå nokon med eit vakent blikk.
Med Eventyr i parken - Thomas B. Brandt, Katrine Lovise Øpstad Fredriksen, Amalie Jensen Tolo, Stine Svellingen.
Fra 4 år.
Bli med inn i skogsriket og opplev eit spanande vandreteater for heile familien!
Praktisk informasjon til vandreteater utendørs:
Kle dykk etter vèret: Alt foregår utandørs så kle deg for ver og vind. Det kan vere lurt å ha med litt å drikke og noko å ete på undervegs, om det vert behov for litt påfyll for dei minste. Vi kan kome til å bevege oss i noko ulendt terreng- ein må difor vere stødig til fots. For dei minste kan bæremeis være fint å sitte i. Vi kan også anbefale å ta med sitteunderlag. Hundar må vera heime denne dagen.